Ambasadori i Shteteve të Bashkuara të Amerikës në Kosovë, Jeffrey Hovenier, është takuar me zëvendëskryeministrin Besnik Bislimi, një ditë pas bisedimeve që zhvilloi në Bruksel lidhur me çështjen e dinarit.
Pas takimit, Hovenier pritet t’u drejtohet gazetarëve para objektit të Qeverisë së Kosovës, rreth orës 11:30.
Ndryshe, Bislimi është takuar dje në Bruksel me Kryenegociatorin e Serbisë, Petar Petkoviq, me ndërmjetësimin e përfaqësuesit të posaçëm të BE-së, Mirosllav Lajçak.
Pas takimit, Qeveria e Kosovës doli me komunikatë, ku u tha se lidhur me çështjen e dinarit, palët janë dakorduar që deri në fundjavë të sjellin ide konkrete se si mund të duket një zgjidhje afatshkurtër.
“Më tej, u përmend dhe rregullorja e Bankës Qendrore të Kosovës dhe shqetësimet e fundit rreth saj. Palët u dakorduan që deri në fundjavë të sjellin ide konkrete se si mund të duket një zgjidhje afatshkurtër, gjithnjë duke respektuar vendimin në fjalë të BQK-së. Palët u pajtuan që të ofrojnë propozime teknike deri me datë 22 mars, të tilla që pastaj do trajtohen tutje në një takim të ri. Republika e Kosovës e ka bërë të qartë që do ofrojë zgjidhje teknike sipas planit që ajo u ka ofruar edhe shteteve të QUINT-it javë më parë”, u tha në komunikatën e Qeverisë.
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...
10 vjet nga Procesi i Berlinit, diskutohen arritjet, mundësi...